分散投資的誤解

窮小子發覺好多人對於分散投資有個錯誤的概念，認為用一筆錢(100萬資金)買了N種股票，股票A，股票B，股票C..股票Z.. 就可以分散到風險， 無錯將100萬資金放於股票A +B 風險一定比放於單一股票A的風險為低，但成效有多大? 窮小子認為將資金投放於兩種相同類型的金融產品 - 股票，所能分散投資性風險的作用很低，舉個例子2008年金融海嘯，港鐵公司 (66) 由高位 $33 跌至低位約$13..港鐵是恆指成份股中抗跌能力較高的股票..但在金融危機時跌幅與其他股票差別其實不大!

窮小子認為真正要分散投資，是要投資兩種不同類型的投資產品，才能於經濟出現下行風險時，取得一定分散風險的成效! 以下是幾個真正能分散投資風險的組合。

組合1 : 股票A + 勞力士 

組合2 : 股票A + 股票B + iBOND

組合3 : 股票A + 黃金

組合4 : 股票A + 人民幣定期存款

最差的組合: 股票A + 股票B + 股票C + 股票D + 股票E + 股票F......  +股票 Z. (金融海嘯下，不能分散市場風險 systemtatic risk 又名系統性風險， 股票A-Z 所有價值均下跌!)

財務自由是什麼?

朋友A問我點解我要追求財務自由? 朋友A: 你而家唔自由咩? 你係香港唔做犯法野,其實都好自由下喎! 有錢係香港想做咩都得啦! 其實朋友A 有d誤解自由定義或者大家都無奈地接受左香港既奴隸式生活.. 無論你做某某大銀行CEO 又好, 公司茶水阿姐又好.. 大家都犧牲左自己既私人時間換取金錢回報,不是真正既自由!

香港人大部份時間都係奉獻左比佢地份工,鬼叫你窮啊要頂硬上..窮小子唔係鼓勵大家唔做野.因為我地唔係李生個仔,但問心成世都打死一份牛工邊個想啊? 同親戚朋友飯聚既時侯,通常既話題都會問到窮小子啊你而家一個月幾多人工啊?窮小子其實唔係好鍾意人地問呢個問題..因為一個月搵1萬又好,10萬又好?其實大家同樣係犧牲左自由既時間,工資只係我地放棄自己自由既時間所換取來既回報~ 要得到真正既自由.一定要先累積資本,再懂得將所累積既資本化成金錢收入(利息), 舉個例子: 朋友A工作兩年累積資本20萬元,將20萬金兌換成人民幣於銀行定期收息,假設息率2.5%, (200,000 x 0.8 x 0.025 =$4000), 每年金錢收入(利息): $4000 人民幣, $4000 金錢收入當然不能令你財務自由, 因為你還要評估自己一年的總開支, 當累積的資本所產生的金錢收入 > 你總開支, 理論上, 你的人生從此是自由的!